Transcription
1
[lettre à Charles IX]
2
Sire, depuis mes dernières du XXe, il nest survenu autre chose de par deça,
3
si nest que lennemy sy ranforce tant quil peult, comme aussi faictz-je de
4
ma part pour destourner ces desseings, mais je me trouve au près de luy
5
si court de cavallerie que je crains destre bien fort empesché, sil ne
6
plaist à votre majesté maccorder les compagnies que je luy ay cy devant
7
demandées, mesmes à monsieur de Mandelot la levée de larrière ban
8
du Lyonnoys pour men survenir avec autres ses forces, sellon la bonne
9
volunté quil en a, qui me faict vous en supplier de rechef très humblement,
10
sire, et vous redire et asseurer que si ainsi est votre bon plaisir,
11que votre majesté congnoistra en cella [barré : la bonne union pour le bien de
12
votre service] la bonne union et intelligence qui est entre nous
13pour le bien de votre service [barré : monsieur ] lequel le sieur de Chabrillan
14
mestoyt venu trouver avec son equipage, mais, à cause de certain procès
15
qui luy importe grandement, il a esté contrainct de partir. Surquoy,
16sil vous plaisoyt, sire, luy impartir de votre grace et bonté [barré : v (?) ] ,
17
comme je len supplie très humblement, il pourroyt estre tant plustost
18
despeché et sen revenir rendre son debvoir. Jenvoye à votre majesté
19
lextraict de la qualité que satribue / [/ en ses despeches] le sieur de Pierregourde qui
20
commande au Pouzin.
21
22
[lettre à Catherine de Médicis]
23
Madame, votre majesté verra, sil luy plaist par la lettre que jescriz au roy
24
en quoy jen suys et empesché de resister à lennemy, sil ne plaist à
25
[119 v°] à voz majestez me ranforcer de cavallerie et survenir des moyens
26
que ma offert monsieur de Mandelot soubz voz bons plaisirs, comme par
27
mes dernières je leur ayt faict entendre, que seroys lavancement de
28
voz affaires en ceste province, bien et soulagement dicelle.
29
30
[lettre à François de Bourbon, duc de Montpensier, prince dauphin]
31
Monseigneur, je ne vous feray autre redicte de ce qui se
32passe en [barré : votre g ] cestuy votre gouvernement que ce quil vous plairra
33
veoir par la copie de la lettre que jescriz au roy ; seullement vous
34
diray que le cappitaine Areret commence à se bien porter, et
35
supplieray très humblement, monseigneur, vous employer en sorte
36
pour le bien de ceste province que je puisse estre secouru de
37
cavallerie.